Dec 11, 2016

Sad soil

മഴയ്ക്ക് ശേഷം തണുത്ത കാറ്റിൽ
ചിറകു കുടഞ്ഞൊരു ശലഭമേ
വായുവിലെ ജീവിതം
അർദ്ധോക്തിയാവുമ്പോൾ
നീയിങ്ങു പോരൂ
ഏറെ വൈകിയും
ഉണർന്നിരുന്നീ ചിലന്തി തുന്നുന്ന
പട്ടുകുപ്പായം
ഉറപ്പായും നിനക്ക്
പാകമാവാതിരിക്കില്ല,
ശ്വാസത്തിന് ചുറ്റാൻ ഇതിനോളം
ഭംഗിയുള്ളതില്ല
കെണിയെന്നും കവാടമെന്നും
കവികൾ പറയുന്നതാണ്
ഒടുക്കമില്ലാ യാത്രകളുടെ
തുടക്കം സുന്ദരമാണ്
ഇതാ നിനക്കായി നെയ്ത
നനഞ്ഞ മണ്ണും
പട്ടുകുപ്പായവും

No comments:

Post a Comment

വിഷാദോപനിഷത്ത് !

 നഷ്ടമായ ശ്വാസത്തെ   തിരഞ്ഞു തോൽക്കുന്ന   നാളുകളിലൊന്നിൽ   ഋതു മാറിവന്ന   മഴചാറൽ പോലെ   വിറച്ചു വീഴുകയാണ്   നമ്മിലാരുടെയോ നിഴൽ.   പരസ്പരം ഉ...