ഹോളി തെഴ്സ്റ്റ് ഡേ

നിന്റെ പേരിൽ എഴുതി  വെച്ച 

എന്റെ പ്രിയ ദിവസമേ 

 കാരണമില്ലാ- 

 തകത്തു വരും വെളിച്ചം 

മേശയിലിരിക്കും പാതി തുറന്ന പുസ്തകത്തെ തൊടുന്നു 

പിറകിൽ അടയുന്ന വാതിൽ, പുറത്തെറിയുന്ന

ബാക്കി  വെളിച്ചത്തിന്റെ പടയാളികൾ 

ഇരുട്ടിലൊളിച്ചു മാറുകയാണ് 

അകത്തു കയറിയ വെളിച്ചം വിളിച്ച 

പുസ്തകത്തിലെ  പാട്ടുകാർ 

വെളിച്ചത്തിനൊപ്പം  

നൃത്തം നടക്കും ഹാളിൽ ചെല്ലുന്നു 

ഹോ നൃത്തം ചെയ്യുന്നവർ 

ഊരിയെറിയും കുപ്പായങ്ങൾ 

കിളികളായ് കിളികളായ്

പറന്നു പോകുന്നു ?

ഈ പറയും   അവധി ദിവസത്തെ 

നോക്കിയിരിക്കും  ഷേക്സ്പിയർ 

ബിയർ മഗിൽ നിന്ന് ഒരു വെള്ള ചാട്ടത്തെ 

അഴിച്ചു വിടുന്നു 

അവധി ദിനം വിഖ്യാതമാണ് 

ഷേക്സ്പിയർ  ശരിക്കും ആളൊരു പാവമാണ്