സൂര്യൻ  ഉപേക്ഷിച്ചു പോയ 

ഒരു പകൽ 

മാത്രമാണ് രാത്രി 

എന്നും 

 

സൂര്യൻ കേറി വന്നു നശിപ്പിച്ച 

ഒരു രാത്രിയാണ് 

പകൽ 

എന്നും 

നിഴൽ  ചൂണ്ടി വാദിക്കുന്നവർക്കിടയിൽ 

ഒരു വെളുത്ത പ്രവായി 

ഞാനിരുന്നു ചിരിക്കുന്നു

അടുത്ത നോക്കിൽ, ഞാൻ 

നദിയാവുകയോ 

മാറിടങ്ങൾക്കിടയിലൂടൊഴുകിയാലും  

നിങ്ങൾ കണ്ടില്ലെന്ന് നടിക്കുക 

വാദം തുടരുക  

വികാരങ്ങൾ തുടല് പൊട്ടിച്ച് 

ഇങ്ങനെ പലരെ 

ഓടിച്ചിട്ട്‌ കടിക്കുന്നത് കാണാൻ 

നല്ല രസമാണ്