എ പ്രൊപ്പോസൽ ഓഫ് ആൻ അനാർക്കിസ്റ്റ്

മരിജ്വാന വിളയുന്ന നാട്ടിൽ ചെല്ലേണം

മന്ത്രിയുടെ മകളെ 

പെണ്ണ് ചോദിക്കണം.

മദ്യപിക്കാത്തവനാണ് 

പുക വലിക്കാത്തവനാണ് 

ബോബ് മാർലിയിവന്റെ 

കണ്‍ കണ്ട ദൈവമാണ് 

പെണ്ണ് തന്നനുഗ്രഹിക്കണം 

അണ്ടർവെയറിൽ കഞ്ചാവിന്റിലയുണ്ട് 

കഴുത്തിനു പിന്നിൽ ചെഗുവേരയിരിപ്പുണ്ട്

*വീഡ് ഈസ്‌ ഗോഡ് 

എന്നത് എന്റെ ആരാധനാമന്ത്രമാണ് 

പുകകൊണ്ടെന്നും പള്ളിമണി മുഴക്കി  

അമാവാസി  തുന്നിയ ളോഹ ധരിച്ചു 

കുർബാന കൊടുക്കുന്നുണ്ട് 

വിശുദ്ധരുടെ ഗാനം മൂളാരുമുണ്ട്

രാജാവിന്റെ മകളോട് കമ്പമില്ല 

അഹങ്കാരമൊട്ടുമില്ല

സത്യമാണ് പക്ഷെ 

അങ്ങയുടെ മകളോട് പ്രണയംപോലെന്തോ ആണ്  

നേര് /നെറികേടും ആവശ്യത്തിലധികമുണ്ട് 

**കോപ്സ് നെ കണ്ടാൽ പേടിക്കുകയില്ല 

കാശിനും പെഗ്ഗിനും ഒറ്റുകൊടുക്കില്ല

എന്നെയും മകളെയും 

ഉടമ്പടിയിൽ ചേർക്കണം 

സ്ത്രീധനം തേവയില്ല

പുല്ലുമണമുള്ള ഒരുമ്മ തന്നാൽ മതിയാകും  

തെരുപ്പുകാരുടെ രാജവാണ്  

പുല്ലു വലിക്കുന്ന തേരുണ്ട് 

വായുവിൽ സഞ്ചരിക്കാനറിയാം

ഞാനുമവളും ഹൃദയാകൃതിയിൽ

രണ്ടു ബലൂണ്കളാവും

***മെക്സിക്കൻ വിമാനങ്ങളാവും

ആകാശത്ത്‌ പ്രണയിക്കും  

പുംഗവാ..

മകളെ എനിക്ക് തന്നേക്കൂ 

ഞാനുമവളും ഒരേ ചുണ്ടിലെരിഞ്ഞു -

ജീവിച്ചു  കൊള്ളാം 

ഞങ്ങളിവിടെ അടുക്കള തോട്ടമുണ്ടാക്കും 

ആവശ്യക്കാരന്റെ പുതിയ രാജ്യം പണിയും 

അനന്തരം പിറക്കുന്ന 

കുട്ടികൾക്കെല്ലാം ,യഥാക്രമം 

****'ഹാഷ്','ഡോപ്പ്','ചീബ' എന്നിങ്ങനെ പേരുകൾ നല്കാം 

പച്ചക്കുപ്പായം തയ്ച്ചു കൊടുക്കും 

കഴുത്തിൽ പച്ച കുത്തിക്കൊടുക്കും 

അവരെ തെരുവിന്റെ അധിപരാക്കും 

തീര്ന്നു പോവാത്ത ഓർമ്മകൾ 

ഞരമ്പുകളിലൂടെ കടത്തിവിടും.

അവസാനത്തിൽ ഞാനുമവളും 

തോട്ടത്തിന്റെ നടുവിലെ കല്ലറയിൽ 

ഒന്നിച്ചു പുണർന്നു കിടക്കും.

ഞങ്ങൾ ചുംബിക്കുമ്പോൾ 

നിന്നെയൊർക്കും, വീണ്ടുമൊരു പുക-

കൂടിയെടുക്കും 

ശ്വസിക്കും..

മണക്കും.. 

മരിക്കും.

അത് കൊണ്ടങ്ങുന്നെ.

മരിജ്വാനയുടെ മന്ത്രീ 

കനിയണം , മകളെ ഒരിക്കലെങ്കിലും 

മംഗലം കഴിപ്പിച്ചു തരണം 

ഒരു പുകയിൽ പരസ്പരം 

അലിഞ്ഞു ജീവിക്കാനനുവദിക്കുക

ശ്വസിക്കാനനുവദിക്കുക.   

*weed = കള അഥവാ കഞ്ചാവിനു പറയുന്നൊരു പേര്.

** cops = പോലീസ് 

**** മരിജ്വാനയുടെ വിവിധ ചെല്ലപ്പേരുകൾ . 

*** കൌമാരക്കാർ അവയുടെ ഉപഭോഗത്തെക്കുറിച്ച് പരാമർശിക്കുന്ന വാക്കുകളിൽ/പ്രയോഗങ്ങളിൽ  ഒന്ന്