feeling undefined

സില്ക്ക് സ്മിത  എന്നത് 

എനിക്കുണ്ടായിരുന്ന ആകാംക്ഷയുടെ 

കുട്ടിക്കാലത്തെ പേരാണെന്ന് 

ആർക്കെങ്കിലും അറിയുമോ ?

''ആകാശം ഫോർ സെയിൽ''

എന്നൊരു ബോർഡ് വെച്ച്  

ഒരേക്കർ ആകാശത്തിനു

ഒരു കോടി രൂപ 

മാർക്കെറ്റിൽ  വില പറഞ്ഞാൽ

അത് വളരെ കൂടുതലാകുമോ/

ആരെങ്കിലും വാങ്ങാൻ വരുമോ ? 

കടലിന്റെ നടുവിൽകൂടി പോകുമ്പോൾ 

നാരങ്ങാ വെള്ളം പൂശണമെന്ന്

മണ്ണാരത്തൊടി ജയകൃഷ്ണന് തോന്ന്യാ 

എന്തൂട്ടാ അയാളിപ്പോ ചെയ്യാ ? 

*അമേരിക്കൻസോഡാ പഫ്സ് ഇൽ

നിന്നും യുദ്ധം ചെയ്ത്

അമേരിക്കയെ മോചിപ്പിക്കാൻ 

ഒബാമയ്ക്കെന്നെങ്കിലും  പറ്റുമോ ?

ബൂസ്റ്റ്‌ കമ്പനി 

ബൂസ്റ്റ്‌ നിർത്തലാക്കിയാൽ 

എനർജി കിട്ടാൻ പിന്നെ സച്ചിനെന്തു ചെയ്യും ? 

നെടുമ്പാശ്ശേരി വിമാനത്താവളം 

പാവറട്ടി സെന്ററിൽ കൊണ്ടുവന്നു വെച്ചാൽ 

കൊച്ചിക്കാർക്കത് സങ്കടമാകുമോ ?

മേൽപ്പറഞ്ഞ ചോദ്യങ്ങളുടെ 

നിസ്സാരങ്ങളായ ഉത്തരങ്ങൾ 

അടുത്ത കണ്‍സൈൻമെന്റിൽ

തീരത്തടുക്കുമെന്ന് പറഞ്ഞത് 

ശരിയാണോ ? 

സത്യം പറയാലോ 

അതിശയോക്തിയോ 

അതിശയപ്പത്തിരിയോ 

ഞാനിന്നു വരെ കണ്ടിട്ടില്ല 

അതുകൊണ്ട് തന്നെ 

 

ഡിഫൈൻ ചെയ്യാൻ പറ്റാത്ത 

ഒരവസ്ഥയെ വിശദീകരിക്കാൻ 

ഇത്രയൊക്കെ കഷ്ട്ടപ്പെട്ടത്‌ 

ഒരു തെറ്റാണോ ?

അല്ല 

അതൊരു തെറ്റാണോ ?