കാറ്റ് , ഗന്ധം ഇത് കൊണ്ടുള്ള വികാരങ്ങൾ

അസമയത്തിന്റെ അലാറം
അലസനായുറങ്ങുന്നവന്റെ
ചെവികളിലൂതി വിളിച്ചു
അത്യാവശ്യമേതുമില്ലാഞ്ഞിട്ടുമവനുണർന്നു-
കിടന്നു
അനേകം വസന്തത്തിന്റെ
പുതിയ പതിപ്പുകളുമായി
ഗന്ധമാരുതൻ ഒഴുകി വരുന്നു
ഇരുട്ടു വന്നലയ്ക്കുന്നു
കിനാവിൽ നിലാവ് കമ്പളം തുന്നുന്നു
പുതുവസന്തം തൻ
പുത്തൻ പതിപ്പുകൾ പൂക്കൾ
എന്റെ മൂർദ്ധാവിലാഞ്ഞു കൊത്തുന്നു
ഹോ ഗന്ധമേറ്റു പിടയുവാനാവതില്ല
മഞ്ഞുകാലമേ..
മഞ്ഞുകാലമേ ..
എന്നെ പുണരുക.