under construction

തല നിറയെ 

ടിയാൻ ഷാൻ പർവ്വത നിരകളുള്ള 

ആ വൃദ്ധൻ അങ്ങനെ പറയും 

വെളുപ്പിനെ കേൾക്കും സിംഫണി, 

വയലിൻ വൈകുന്നേരങ്ങൾ, 

തമ്മിൽ കാണുമ്പോൾ 

ആത്മാവിന്റെ വെപ്രാളം 

പരസ്പരം നോക്കുമ്പോൾ 

കണ്ണിൽ കണ്ണിൽ വേതാളങ്ങൾ 

അങ്ങനെയങ്ങനെ ജീവനെ തമ്മിൽ 

കൂട്ടിത്തുന്നാൻ പലതും പലതും 

കേട്ടു നിൽക്കുമ്പോൾ 

വെടി കൊള്ളുമ്പോൾ 

ദേഹത്ത് നിന്ന് പറക്കും- 

പക്ഷികളെ പോലാണ് 

തൊടുമ്പോൾ കൈയിൽ പറ്റും

ചായങ്ങൾ പോലാണ് 

സുഖകരമായ ഓമനകൾ 

ഒരു തോടിന് അപ്പുറമാവും.

ഇത് പക്ഷെ  

മറ്റുള്ളവരെ ഓർക്കുമ്പോൾ 

അസുഖകരമാണ്

നൊടിയിടയിൽ എന്ത് ചെയ്യും?

ഒരില ചാഞ്ഞുവീഴും 

നേരത്തിനുള്ളിൽ ?

കൊടുക്കൂ  

വൃദ്ധനൊരു കപ്പ് കാപ്പി  

ആ  കാപ്പിയുടെ നിശബ്ദതയ്ക്കുള്ളിൽ

ആ തോട് കടന്നു വരാം.