-*-

കാലം കാലം കലമാനുകളുടെ ഹൃദയം,

നമ്മെ കടന്നു പോകും 

അരുവികൾ..

അസ്വസ്ഥതകൾ..

അനുരാഗങ്ങൾ

കൂവളമിഴികൾ കൂവളമിഴികൾ

രക്തപുഷ്പങ്ങൾ

ഓർത്തിട്ടുണ്ടോ എല്ലാം കണ്ട നിലാവിനെ കുറിച്ച്,, ?

മേഘങ്ങളെ കുറിച്ച്..?

ഇല്ല.. ശരി ! 

ആ മിഴാവിനോട് മിണ്ടാതിരിക്കാൻ പറയൂ.. 

ആ നോവിനോട് ഒന്ന് ചിരിക്കാൻ പറയൂ

എന്തിനെ കുറിച്ചും 

കണ്ണുകളോട് ചോദിക്കണം 

അതിനു മുൻപ് ധമനികളിലേയ്ക്ക് നോക്കണം 

ഈയലുകൾ  പറഞ്ഞു തന്നേക്കും 

തങ്ങളകപ്പെട്ട വിതുമ്പലുകളെ കുറിച്ച്

കോശങ്ങൾക്കിടയിൽ ചെന്ന് തട്ടുന്ന 

ശ്വാസങ്ങളെ കുറിച്ച്. 

ഓ 

നഷ്ടപെട്ട ബ്യൂഗിളുകൾ 

അവയ്ക്ക് മുന്നേ പോയ അവദൂതന്റെ പാട്ടുകൾ

ഉമിനീര് വറ്റിയ  പാട്ടിലെ യാത്രകൾ

മതി മതി ബാലേ 

കളം വിട്ടു പോവുന്ന ഗായകന്റെ 

ഹാർമോണിയത്തിനെ അവഗണിക്കൂ 

അവഗണിക്കൂ.. 

അയാൾ ആനന്ദത്തോടെ ജീവിക്കട്ടെ