A
നിരക്ഷരരായ രണ്ടു വൃദ്ധരെപോലെ നമ്മൾ
പതിയെ കുന്നിറങ്ങിപ്പോകും
തിരിഞ്ഞുനോക്കി ജീവിതം എന്ന്
നെടുവീർപ്പിടും
B
ഒട്ടും വേഗതയില്ലാത്ത
വാഹനമായിരുന്നു
ഏകാന്തത
എന്ന് കരുതുന്നവർ
നമുക്ക് കുറുകെ
നടന്നലിയുന്നു.
C
പാശ്ചാത്യസംഗീതത്തിന്റെ ഒരല
നമ്മൾ ചെവിയിൽ തിരുകുന്നു
അടുത്ത നിമിഷം നമ്മൾ
നിമിഷങ്ങളെ
കുറിച്ചെന്തൊക്കെയോ
ഓർക്കുകയും
നമ്മെ പാടെ
മറന്നൊഴിയുകയും ചെയ്തു
D
യഥാക്രമം എ ബി സി ഡി എന്നിവയുടെ ബന്ധം തിരയാൻ നിൽക്കരുത്
ഇതൊക്കെ ഇത്രയൊക്കെ തന്നെയേ ഉള്ളൂ എന്ന് കരുതണം വെരി സിംപ്ലി
ഉച്ചയൂണിനു പിറകിലെ കനപ്പെട്ട സാഹസം
തേങ്സ്
(Febru.2019)
No comments:
Post a Comment