ഏറ്റവും പ്രിയപ്പെട്ട വസന്തങ്ങളുടെ  നേരങ്ങളെ  

കഴിഞ്ഞ കാലങ്ങളിൽ നിന്ന് 

തുന്നിയെടുക്കുകയാണ് ഞാനിപ്പോൾ , പക്ഷെ 

മേപ്പിൾ മരങ്ങളുടെ ഈ നഗരത്തിൽ 

160  കെഎം സ്പീഡിൽ ചുവന്ന  നിറമുള്ള

ഫോക്സ് വാഗൺ 

പൊടിപറത്തി പായിക്കുകയാണ് ഞാനെന്ന്  

നിങ്ങൾ കണ്ടെത്തിയേക്കാം 

രണ്ടു തരം മുന്തിയ ധാരണകളുടെ 

പ്രശ്നമാണിതെന്ന് എനിക്കറിയാം 

എന്നതിനാൽ ഞാനത് കാര്യമാക്കുന്നില്ല 

11.30 ന്റെ ഡിന്നർ പാർട്ടിക്ക് വേണ്ടി 

സവാള അരിയുകയാണ് നിങ്ങളെന്നു 

ഞാൻ കരുതിവെയ്ക്കുന്നതോടെ 

ഇതാ ഈ സമസ്യ 

ഇവിടെ പൂർത്തീകരിക്കപ്പെടുന്നു 

എങ്കിൽ 

നിങ്ങൾ കവിതയെഴുതിക്കോളൂ 

ഞാനീ പ്രേമത്തിനെ പൂക്കളുടെ 

ഇതളടർത്തൽ തുടരട്ടെ..