പഴയ മുറികൾ,
പൂത്തു നിൽക്കും ഉദ്യാനം പോലെ സൂക്ഷിചിട്ടോ
കാലം കൊണ്ടുണ്ടായ ഫോസിലുകൾ
കളഞ്ഞു പോവാതെ കൂട്ടിവെച്ചിട്ടോ
അതാർക്കും വന്നിരിക്കാനുള്ള കൂടായില്ല
എത്ര സംവത്സരങ്ങളിൽ മുടങ്ങാതെ വന്നു
തോരണം തൂക്കിയിയിട്ടും
അതിലൊരു തൂക്കണാം കുരുവി പോലും
വന്നു കണ്ടില്ല
ഒരു ദിവസത്തിന്റെ പുല്ലാംകുഴൽ
മുഴുവൻ വായിച്ചു കഴിയുമ്പോഴേക്കും
ആ പക്ഷികൾ പറന്നു മറന്നു പോവുന്നു
ചാരു പടിയിൽ ഒരു ക്ഷീണിച്ച തേങ്ങൽ
ശേഷിക്കുന്നു
പുത്തനുഷസ്സിനു
മുദ്രാവാക്യം വിളിക്കുന്നതിനു മുൻപ്
മുള്ളുവേലി പൊളിക്കുന്നതിന് മുൻപ്
ഒന്ന് നില്ക്കൂ
ആ ചായ ഗ്ലാസ് എടുത്തു വയ്ക്കൂ
റേഡിയോ അല്പം ശബ്ദം താഴ്ത്തി വെയ്ക്കൂ !
