നഗരത്തിലെ തിരക്കേറിയ പാത
ഇരുണ്ടു മങ്ങിയ മുഖവുമായി ആകാശം
മഞ്ഞു പോൽ വിഷാദം
പതിയെ പോകുന്ന കടുത്ത നിറമുള്ള എസ് യു വി
ആരെയോ കാത്തു നിൽക്കുന്നൊരാൾ
അയാൾക്ക് പോകാൻ തയ്യാറായി വരുന്ന ബ്ലൂ കാബ്
അയാളുടെ നിഷേധം
സദാ ജാഗരൂകരായി കാവൽക്കാർ
കുനിഞ്ഞു നിന്ന് കുപ്പായം നേരെയാക്കുന്ന ഏതോ രാജ്യക്കാരി
അരികിൽ അഴുക്കു കുപ്പായത്തിൽ
വാഹനം കഴുകുന്നവർ
റെഞ്ച് റോവർനു കീഴിലൂടെ പായുന്ന പൂച്ച
കാറിൽ തണുപ്പിൽ പൂഡിൽ
യാത്രയ്ക്ക് തയ്യാറായി സഞ്ചാരി
ഹെഡ് ഫോണിനു നടുവിൽ
ചെവികൾ തിരുകി ആ സ്വാതന്ത്ര്യത്തിൽ ചിലർ
ഊന്നു വടിയിൽ വാർദ്ധക്യം താങ്ങി അറബ് കച്ചവടക്കാരൻ
കാലിൽ തട്ടിത്തടഞ്ഞു പോകും പ്രാവിന്റെ തൂവൽ
പാർക്ക് ചെയ്ത വാഹനങ്ങളിക്കിടയിൽ
പാതി കഴിച്ച ബിയർ കാനുകൾ, പിന്നെ
വരാമെന്നേറ്റ കാറ്റ് മഞ്ഞ് മഴ
അക്ഷമ അക്ഷമ അക്ഷമ
